Andalibon Se Kabhi Gul Se Kabhi Leta Hun

andalibon se kabhi gul se kabhi leta hun

azm-e-bardasht dam-e-tishna-labi leta hun

tanz ki sard hawaen jo satati hain mujhe

shiddat-e-garmi-e-ehsas ko pi leta hun

zindagi baqi bhi apnon mein guzar jaegi

is liye talKHi-e-haalat ko pi leta hun

mujh pe sab log gunah Dal diya karte hain

kis liye kis ke liye dariya-dili leta hun

inkisari ne mujhe itni bulandi di hai

bhul kar bhi na kabhi rah-e-KHudi leta hun