Apna Sara Bojh Zamin Par Phenk Diya
apna sara bojh zamin par phenk diya
tujh ko KHat likkha aur likh kar phenk diya
KHud ko sakin dekha Thahre pani mein
jaane kya kuchh soch ke patthar phenk diya
diwaren kyun KHali KHali lagti hain
kis ne sab kuchh ghar se bahar phenk diya
main to apna jism sukhane nikla tha
barish ne phir mujh pe samundar phenk diya
wo kaisa tha us ko kahan par dekha tha
apni aankhon ne har manzar phenk diya
Iftikhar Naseem 
(777) Peoples Rate This