Mere Nuqush Tere Zehn Se MiTa Dega
mere nuqush tere zehn se miTa dega
mera safar hi mere fasle baDha dega
andheri raat hai is tund-KHu se mat kahna
wo raushni ke liye apna ghar jala dega
main us ka sab se hun pyara magar bichhaDte hi
wo sab ko yaad karega mujhe bhula dega
bana hua hun main mujrim baghair jurm kiye
ab aur kya mera munsif mujhe saza dega
ugaya jis ne hai banjar zamin mein tujh ko 'nasim'
hai kya baid ki wo phul bhi khila dega
Iftikhar Naseem 
(787) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544