Churane Ko Chura Laya Main Jalwe Ru-e-raushan Se
churane ko chura laya main jalwe ru-e-raushan se
magar ab bijliyan lipTi hui hain dil ke daman se
tanawwo kuchh to ho ai bulbul-e-kam-zauq matam kya
agar tamir-e-sahra ho gai taKHrib gulshan se
mujhe kuchh tajrabe har rang ke jholi mein rakh chalna
musafir hun gharaz kya hai mujhe sahra o gulshan se
mujhe har karwan se chhuTna is bad-gumani mein
ki shayad rahbar ko rabt-e-pinhani ho rahzan se
mazaq-e-jazb-e-baatin gum hai ab tazin-e-zahir mein
ye tifl-e-dasht-e-aiman ghaT gaya tahzib-e-gulshan se
Ijtiba Rizvi 
(978) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544