Phul Kitaben Le Ja Tanha Rahne De
phul kitaben le ja tanha rahne de
mera kamra, mera kamra rahne de
yar ye chaar qadam ki kya hamrahi hai!
thoDi der to dil ko chalta rahne de
ab bhi us se titli milne aati hai
balcony mein TuTa gamla rahne de
kaT de chahe meri sari shaKHon ko
jis par jhul raha hai jhula, rahne de
wo to dil tha lekin ye to bagh hai yar
peD pe mera nam to likkha rahne de
mujh ko aazadi ka kuchh ehsas to ho
is pinjre mein ek parinda rahne de
Iliyas Babar Aawan 
(952) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544