Zaban-e-haal Se Hum Shikwa-e-bedad Karte Hain
zaban-e-haal se hum shikwa-e-bedad karte hain
dahan-e-zaKHm-e-qatil dam-ba-dam fariyaad karte hain
samajh kar kya asiran-e-qafas fariyaad karte hain
tawajjoh bhi kahin fariyaad par sayyaad karte hain
azab-e-qabr se pate hain rahat ishq ke mujrim
pas-e-murdan jafaen yar ki jab yaad karte hain
na kah bahr-e-KHuda tu bandagan-e-ishq ko kafir
buton ki yaad mein zahid KHuda ko yaad karte hain
zara sayyaad chal kar dekh tu kya haal hai un ka
asiran-e-qafas fariyaad par fariyaad karte hain
butan-e-sang-dil ke hath se dil hi nahin nalan
barabar dair mein naqus bhi fariyaad karte hain
banate hain hazaron zaKHm-e-KHandan KHanjar-e-gham se
dil-e-nashad ko hum is tarah pur-shad karte hain
mile lazzat jo iza se to baz aate hain iza se
sitam-ijad hain tarz-e-sitam ijad karte hain
'asar' ko dekh kar kya ruh ko sadma pahunchta hai
KHuda samjhe buton se kis qadar be-dad karte hain
Imdad Imam Asar 
(890) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544