Ajab Uljhan Hai Jo Samjha Nahin Hun
ajab uljhan hai jo samjha nahin hun
jahan hota hun main hota nahin hun
hiqarat se mujhe kyun dekhta hai
bata kya main tere jaisa nahin hun
wo meri baat jab sunta nahin hai
jo mere dil mein hai kahta nahin hun
talluq toDta hun dushmanon se
kabhi yaron se main laDta nahin hun
jahan izzat nahin milti hai mujh ko
wahan par main kabhi jata nahin hun
rawani mein mujhe rahna paDega
main dariya hun koi sahra nahin hun
bhaDakta hun main apni lau se 'gauhar'
kisi ki aag se jalta nahin hun
Imtiyaz Ali Gauhar 
(775) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544