Udhar Jo ShaKHs Bhi Aaya Use Jawab Hua
udhar jo shaKHs bhi aaya use jawab hua
koi nahin jo mohabbat mein kaamyab hua
wo KHush-nasib hain jin ko KHuda ki zat mili
hamein ek aadmi mushkil se dastiyab hua
bil-aKHir aag dhuan ho gai mohabbat ki
kisi ke sath jo dekha tha KHwab KHwab hua
tumhaare samne kis ko majal bolne ki
tumhaare samne har shaKHs la-jawab hua
hamare samne bachche zaban-daraaz hue
hamare samne zarra bhi aaftab hua
mere asason mein KHwab aur hasraten niklin
'kabir' ishq mein mera bhi ehtisab hua
'kabir' ho gae barbaad hum ko hona tha
tumhein ye puchhe koi tum ko kya sawab hua
Inam Kabeer 
(987) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544