Zamin Bichhai Yahan Aasman Buland Kiya
zamin bichhai yahan aasman buland kiya
phir us ne ek sitare ko arjumand kiya
ajib rasta khulta chala gaya mujh par
jab ek raat dar-e-KHwab main ne band kiya
pukarte the mujhe aasman magar main ne
qayam karne ko ye KHak-dan pasand kiya
ajib baat thi ab ke mubarazat mein 'nadim'
ki mujh ko meri hazimat ne fath-mand kiya
Inam Nadeem 
(823) Peoples Rate This