Andeshon Ka Zahr Piya Hai
andeshon ka zahr piya hai
mushkil se jina sikha hai
waqt ne aisa gham baKHsha hai
sahraon mein ji lagta hai
daman daman KHun ke dhabbe
aaKHir kis ka qatl hua hai
aaj club ke darwaze par
chaprasi KHamosh khaDa hai
diwanon ki baat na mano
lekin sun lene mein kya hai
ab to KHud apne chehre par
ghairon ka dhoka hota hai
dhire dhire jaise koi
mere wajud ko chaT raha hai
Intikhab Syed 
(756) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544