Ab Wo Pahla Sa Iltifat Kahan
ab wo pahla sa iltifat kahan
aap sunte hain meri baat kahan
meri diwangi ka zikr chhiDa
aaj pahunchegi jaane baat kahan
dip kya dil jalae baiThe hain
phir bhi wo raunaq-e-hayat kahan
zindagi ban gai hai afsana
mujh ko le aae waqiat kahan
ye bataun to baat jaegi
luT gai dil ki kaenat kahan
ye zamana bhi jaanta hoga
hum ko le aae hadsat kahan
un ki nazren badal gain 'iqbaal'
ras aaegi ab hayat kahan
Iqbal Abidi 
(616) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544