Kitne Bhule Hue Naghmat Sunane Aae
kitne bhule hue naghmat sunane aae
phir tere KHwab mujhe mujh se churane aae
phir dhanak-rang tamannaon ne ghera mujh ko
phir tere KHat mujhe diwana banane aae
phir teri yaad mein aanhken huin shabnam shabnam
phir wahi nind na aane ke zamane aae
phir tera zikr kiya baad-e-saba ne mujh se
phir mere dil ko dhaDakne ke bahane aae
phir mere kasa-e-KHali ka muqaddar jaga
phir mere hath mohabbat ke KHazane aae
shart sailab samone ki laga rakkhi thi
aur do ashk bhi hum se na chhupane aae
Iqbal Ashhar 
(1725) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544