Supurd-e-gham-zadagan-e-saf-e-wafa Hua Main

supurd-e-gham-zadagan-e-saf-e-wafa hua main

paDa hun umr ki diwar se gira hua main

ajib soch si aur us pe sochta hua main

ki TuTta teri hairat mein aaina hua main

kahin main koh pe farhad aur dasht mein qais

wajud-e-ishq mein hun KHud ko DhunDhta hua main

jise bhi milna hai mujh se wo intizar kare

na jaane kab palaT aaun kahin gaya hua main

na mil saka koi afsos waqt par mujh ko

kisi ko mil na saka waqt se kaTa hua main

tamam ham-nafasan qata kar gae manzil

bas ek musafir-e-rah, rah gaya bacha hua main

tamam umr yunhi tarz-e-bud-o-bash rahi

kahin charagh bana main kahin hawa hua main

samajh na sahl zamane ki gardishon ke baad

hua main KHud ko faraham mujhe ata hua main

ajib kaifiyat-e-intishaar mein hun rawan

ghubar sa hun kisi KHak se uDa hua main

(761) Peoples Rate This

Your Thoughts and Comments

Supurd-e-gham-zadagan-e-saf-e-wafa Hua Main In English By Famous Poet Iqbal Kausar. Supurd-e-gham-zadagan-e-saf-e-wafa Hua Main is written by Iqbal Kausar. Read famous Poem Supurd-e-gham-zadagan-e-saf-e-wafa Hua Main for youth and Student by Iqbal Kausar. Free Download Supurd-e-gham-zadagan-e-saf-e-wafa Hua Main in PDF.