Dar-o-diwar Ki Zad Se Nikalna Chahta Hun Main
dar-o-diwar ki zad se nikalna chahta hun main
hawa-e-taza tere sath chalna chahta hun main
wo kahte hain ki aazadi asiri ke barabar hai
to yun samjho ki zanjiren badalna chahta hun main
numu karne ko hai mera lahu qatil ke sine se
wo chashma hun ki patthar se ubalna chahta hun main
buland o past duniya faisla karne nahin deti
ki girna chahta hun ya sambhalna chahta hun main
mohabbat mein hawas ka sa maza milna kahan mumkin
wo sirf ek raushni hai jis mein jalna chahta hun main
Irfan Siddiqi 
(812) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544