Dhanak Se Phul Se Barg-e-hina Se Kuchh Nahin Hota
dhanak se phul se barg-e-hina se kuchh nahin hota
badan sahra hue aab-o-hawa se kuchh nahin hota
bahut kuchh dosto bismil ke chup rahne se hota hai
faqat us KHanjar-e-dast-e-jafa se kuchh nahin hota
agar wusat na dije wahshat-e-jaan ke ilaqe ko
to phir aazadi-e-zanjir-e-pa se kuchh nahin hota
koi konpal nahin is ret ki tah mein to kya nikle
yahan ai sada-dil kali ghaTa se kuchh nahin hota
azal se kuchh KHarabi hai kamanon ki samaat mein
parindo shoKHi-e-saut-o-sada se kuchh nahin hota
chalo ab aasman se aur koi rabta sochen
bahut din ho gae harf-e-dua se kuchh nahin hota
Irfan Siddiqi 
(897) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544