Is Takalluf Se Na Poshak-e-badan-gir Mein Aa
is takalluf se na poshak-e-badan-gir mein aa
KHwab ki tarah kabhi KHwab ki tabir mein aa
main bhi ai surKHi-e-be-nam tujhe pahchanun
tu hina hai ki lahu paikar-e-taswir mein aa
is ke halqe mein tag-o-taz ki wusat hai bahut
aahu-e-shahar, meri banhon ki zanjir mein aa
chaara-gar KHair se KHush-zauq hai ai meri ghazal
kaam ab tu hi mere dard ki tashhir mein aa
wo bhi aamada bahut din se hai sunne ke liye
ab to ai harf-e-talab mariz-e-taqrir mein aa
ek rang aaKHiri manzar ki dhanak mein kam hai
mauj-e-KHun uTh ke zara arsa-e-shamshir mein aa
Irfan Siddiqi 
(789) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544