UTho Ye Manzar-e-shab-tab Dekhne Ke Liye
uTho ye manzar-e-shab-tab dekhne ke liye
ki nind shart nahin KHwab dekhne ke liye
ajab harif tha mere hi sath Dub gaya
mere safine ko gharqab dekhne ke liye
wo marhala hai ki ab sail-e-KHun pe raazi hain
hum is zamin ko shadab dekhne ke liye
jo ho sake to zara shah-sawar lauT ke aaen
piyaad-gan ko zafar-yab dekhne ke liye
kahan hai tu ki yahan jal rahe hain sadiyon se
charagh dida o mehrab dekhne ke liye
Irfan Siddiqi 
(2451) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544