UThte Hain Qadam Tez Hawa Hai Mere Pichhe

uThte hain qadam tez hawa hai mere pichhe

lagta hai koi qafila sa hai mere pichhe

jis bazm mein jata hun mujhe milti hai izzat

wo yun ki meri man ki dua hai mere pichhe

be-manzil-e-maqsud main ghaltan hun safar mein

afsos zamane tu chala hai mere pichhe

muDna hai mujhe moD mohabbat ke nagar ko

ganw ki mere aab-o-hawa hai mere pichhe

ye dhup hai jo sar ko mere Dhanp rahi hai

ye saya mera hai ki chhupa hai mere pichhe

kahta hai mujhe aap se aage nahin chalna

us taur zamana ye paDa hai mere pichhe

(705) Peoples Rate This

Your Thoughts and Comments

UThte Hain Qadam Tez Hawa Hai Mere Pichhe In English By Famous Poet Irfanullah Irfan. UThte Hain Qadam Tez Hawa Hai Mere Pichhe is written by Irfanullah Irfan. Read famous Poem UThte Hain Qadam Tez Hawa Hai Mere Pichhe for youth and Student by Irfanullah Irfan. Free Download UThte Hain Qadam Tez Hawa Hai Mere Pichhe in PDF.