Ye Mere Chaar-su Ek Tamasha Lage

ye mere chaar-su ek tamasha lage

aalam-e-rang-o-bu ek tamasha lage

dekh chaaron-taraf ek tamasha laga

chahta tha na to ek tamasha lage

dar-haqiqat ye koi tamasha nahin

jo tujhe hu-ba-hu ek tamasha lage

rang uDna munasib hai mai-KHwar ka

TuTne se subu ek tamasha lage

phuTe zaKHm-e-jigar aur bahe aankh se

taza taza lahu ek tamasha lage

apne aashuftagan ki KHabar lene aa

ya tere ru-ba-ru ek tamasha lage

ja ke allah ke ghar manaen use

aaj kar ke wuzu ek tamasha lage

miTTi zarKHez ho ya na ho dasht ki

bahar-zauq-e-numu ek tamasha lage

(586) Peoples Rate This

Your Thoughts and Comments

Ye Mere Chaar-su Ek Tamasha Lage In English By Famous Poet Irfanullah Irfan. Ye Mere Chaar-su Ek Tamasha Lage is written by Irfanullah Irfan. Read famous Poem Ye Mere Chaar-su Ek Tamasha Lage for youth and Student by Irfanullah Irfan. Free Download Ye Mere Chaar-su Ek Tamasha Lage in PDF.