Meri Hasti Saza Hone Se Pahle
meri hasti saza hone se pahle
main mar jata baDa hone se pahle
hamare sath uThta baiThta tha
wo ek banda KHuda hone se pahle
wo qibla is gali se ja chuka tha
namaz-e-dil ada hone se pahle
mohabbat ek musalsal hadisa thi
hamare be-wafa hone se pahle
main apni zat se na-ashna tha
KHuda se aashna hone se pahle
KHizan mein phul sa lagta tha mujh ko
wo patthar aaina hone se pahle
bahut mazbut si diwar tha main
kisi ka rasta hone se pahle
Ishaq Veerdag 
(1042) Peoples Rate This