Tark KHwahish-e-zar Kar Kimiya-gari Ye Hai
tark KHwahish-e-zar kar kimiya-gari ye hai
dil mein rakh KHayal-e-dost shisha-o-pari ye hai
dekh ho gai nargis bagh mein tujhe hairan
shoKH-chashm jadugar teri sahiri ye hai
zulf teri afsun-gar chashm teri pur-jadu
wo hai sehr-e-bangala sehr-e-samri ye hai
mere aah bharne par shab ko tu jo hansta hai
wo ajab hawai hai zor-e-phuljhaDi ye hai
sal tab the pal jaise aan ab qaran si hai
wasl ke baras wo the hijr ki ghaDi ye hai
mah-ru ke kanon mein goshware raKHshan hain
dekh 'ishq' wo zohra aur mushtari ye hai
Ishq Aurangabadi 
(823) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544