Ye Jang Wo Hai Ki Ab KHud Bhi Haarna Chahun
ye jang wo hai ki ab KHud bhi haarna chahun
magar main is ke liye bhi teri raza chahun
mere ghulam mere aaine uTha lana
ki main is aag ko pani mein dekhna chahun
main shaKH shaKH teri nikhaten fuzun dekhun
main taq taq teri raushni sawa chahun
aTa hua teri KHushbu se pairahan rakhkhun
bhare hue tere rangon mein dast o pa chahun
tamam shahr KHamoshi ki nind soya hai
main aise waqt mein ek KHanjar-e-nawa chahun
jo KHema-gah se niklun to qatl-gah talak
paTa hua tere aaza se rasta chahun
main ahd-nama-e-tanhai lene aai hun
fasil-e-hijr ka ek ek bab wa chahun
meri ridaen kanizon mein banT din jis ne
KHaraj-e-saya-e-diwar us se kya chahun
Ishrat Afreen 
(780) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544