Nigah Aaina Hai Aks-e-mustaar Hun Main
nigah aaina hai aks-e-mustaar hun main
hayat qarz hai mujh par to zer-e-bar hun main
pighal na jae ana shiddat-e-tamazat se
giran hai tab-e-KHaridar kam-ayar hun main
sawad-e-shab mein ek aawaz par hun garm-e-safar
asir-e-zulf na aawara-e-bahaar hun main
hinai hathon se chehra chhupa raha hai wo
shikast-e-ahd pe bhi tahniyat-guzar hun main
jo pau phaTe to nawed-e-sahar mile 'ishrat'
hazar raaton se sar-ta-pa intizar hun main
Ishrat Qadri 
(770) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544