Yun Zindagi Guzar Rahi Hai Meri
yun zindagi guzar rahi hai meri
jo un ki hai wahi KHushi hai meri
dekhe the farsh-e-gul ke KHwab lekin
shoalon se rah-guzar saji hai meri
main lamha lamha jata raha hun
aankhon se nind uD gai hai meri
yaron mein mil saka na koi tujh sa
kahne ko sab se dosti hai meri
aankhon mein jhank kar na dekha tum ne
logon se dastan suni hai meri
ghere hain an-ginat hasin yaaden
tanhai mujh se chhin li hai meri
Ishrat Qadri 
(691) Peoples Rate This