Falak Ne Bheje Hain Kya Jaane Kis Wasile Se
falak ne bheje hain kya jaane kis wasile se
lahu ke bahr mein bhi kuchh sadaf hain nile se
abhi to qafila-e-baad sabz rah mein hai
isi liye to hain ashjar-e-dasht pile se
jo mere sath hai sadiyon se misl-e-aks-e-bahaar
KHabar nahin ki hai wo shaKHs kis qabile se
paDa hai kab se siyah-posh mera dasht-e-badan
charagh is mein jala de kisi bhi hile se
qayas kahta hai un ke aqab mein hai suraj
chamak rahe hain ufaq par jo zard Tile se
hai lams-e-ab se mahrum dasht-e-KHak-o-hawa
na jaane kis liye zarraat phir hain gile se
ragon mein aaj bhi raushan hain surKH-o-zard charagh
ajib shai the wo ishrat badan nashile se
Ishrat Zafar 
(790) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544