Nikhre To Jagmaga UThe Bikhre To Rang Hai
nikhre to jagmaga uThe bikhre to rang hai
suraj tere badan ka baDa shoKH o shang hai
tarikiyon ke par chamakti hai koi shai
shayad mere junun-e-safar ki umang hai
kitne ghamon ka bar uThae hue hai dil
ek zawiye se shisha-e-nazuk bhi sang hai
sahra ki god mein bhi milenge bahut se phul
ye apne apne taur pe jine ka Dhang hai
shayad junun hi ab to kare rahbari 'asar'
hum us maqam par hain jahan aql dang hai
Izhar Asar 
(705) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544