KHizan Ke Dosh Pe Hai Fasl-e-gul Ka RaKHt Abhi
KHizan ke dosh pe hai fasl-e-gul ka raKHt abhi
ki barg-o-bar se KHali hai har daraKHt abhi
abhi ghamon se ibarat hai sar-nawisht-e-bashar
ki aasman pare hai zamin saKHt abhi
samajh shua-e-burida na sirf jugnu ko
kiran kiran ka jigar hoga laKHt laKHt abhi
mata-e-jaan bhi use pesh kar chuka hun main
mere raqib ka lahja hai kyun karaKHt abhi
tamam raat raha mai-kada-nashin 'jafar'
gaya hai uTh ke yahan se wo nek-baKHt abhi
Jafar Baluch 
(691) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544