Main Yahan Shor Kis Liye Karta
main yahan shor kis liye karta
dhar liya jaunga ye imkan tha
dekhiye ruKH hawa ka kab Thahre
aa gaya le ke wo diya jalta
peD paude to KHauf khate hain
ghas par us ka bas nahin chalta
uD gaya aaKHirash main kamre se
kab tilak jite-ji yahan marta
mere andar jo DhunDhta tha mujhe
us se kaT kar main mil chuka kab ka
KHwab de kar ye phul laya hun
kahiye mahnga mila hai ya sasta
id ka din to hai magar 'jafar'
mein akele to hans nahin sakta
Jafar Sahni 
(699) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544