Na Ek Patte Ko Ro Baba
shafaq jab phul kar rang-e-hina thi
aur hawa ke lab sile the
ek buDha peD bargad ka
khaDa ganga-kinare
dil-girafta
KHud se mahw-e-guftugu tha
wo meri ek shaKH ka patta
mere hi jism ka hissa
gira
gir kar sitara ho gaya
pani ka pyara ho gaya
mujh se kinara ho gaya
wahin sargoshiyon mein
ek patinga
gungunaya kan mein us ke
nirasha tum mein kyun jagi
mere baba?
tumhaare ang ke kitne hi patte
ab bhi gun gate tumhaara hain
sahaara tum bano un ka
tumhaara wo sahaara hain
na ek patte ko ro baba!
Jafar Sahni 
(782) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544