Meri Chashm-e-tamasha Ab Jahan Hai
meri chashm-e-tamasha ab jahan hai
tajalli karwan dar karwan hai
yaqin hai aaKHiri manzil guman ki
yaqin ki aaKHiri manzil guman hai
wo mujh se dur to itne nahin hain
faqat ek be-yaqini darmiyan hai
ye raaz ahl-e-fughan par fash kar do
KHamoshi bhi ek andaz-e-fughan hai
ye mir-e-karwan se koi kah de
ki main hun aur talash-e-karwan hai
Jagan Nath Azad 
(599) Peoples Rate This