Mumkin Nahin Ki Bazm-e-tarab Phir Saja Sakun
mumkin nahin ki bazm-e-tarab phir saja sakun
ab ye bhi hai bahut ki tumhein yaad aa sakun
ye kya tilism hai ki teri jalwa-gah se
nazdik aa sakun na kahin dur ja sakun
zauq-e-nigah aur bahaaron ke darmiyan
parde gire hain wo ki na jin ko uTha sakun
kis tarah kar sakoge bahaaron ko mutmain
ahl-e-chaman jo main bhi chaman mein na aa sakun
teri hasin faza mein mere ai nae watan
aisa bhi hai koi jise apna bana sakun
'azad' saz-e-dil pe hain raqsan wo zamzame
KHud sun sakun magar na kisi ko suna sakun
Jagan Nath Azad 
(931) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544