Pa-shikaston Ko Jab Jab Milenge Aap
pa-shikaston ko jab jab milenge aap
sar-e-rah-e-talab milenge aap
un se pucha ki kab milenge aap
bole jab jaan-ba-lab milenge aap
dil ye kah kar KHabar ko us ki chala
mujh ko zinda na ab milenge aap
arsa-e-hashr id-gah hua
sab se mil lenge jab milenge aap
wasl mein bhi jabin pe hogi shikan
toDne ko ghazab milenge aap
be-KHudon ko talash se kya kaam
har jagah be-talab milenge aap
chhoD di ruKH pe zulf samjhe hum
chhup ke ek aadh shab milenge aap
chheD mutrib tarana-e-shab-e-wasl
saz-e-aish-o-tarab milenge aap
yar jab mil gaya to hum se 'jalal'
jo na milte the sab milenge aap
Jalal Lakhnavi 
(774) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544