Mohabbat Rang De Jati Hai Jab Dil Dil Se Milta Hai

mohabbat rang de jati hai jab dil dil se milta hai

magar mushkil to ye hai dil baDi mushkil se milta hai

kashish se kab hai KHali tishna-kaami tishna-kaamon ki

ki baDh kar mauja-e-dariya lab-e-sahil se milta hai

luTate hain wo daulat husn ki bawar nahin aata

hamein to ek bosa bhi baDi mushkil se milta hai

gale mil kar wo ruKHsat ho rahe hain hae kya kahne

ye haalat hai ki bismil jis tarah bismil se milta hai

shahadat ki KHushi aisi hai mushtaq-e-shahadat ko

kabhi KHanjar se milta hai kabhi qatil se milta hai

wo mujh ko dekh kar kuchh apne dil mein jhenp jate hain

koi parwana jab sham-e-sar-e-mahfil se milta hai

KHuda jaane ghubar-e-rah hai ya qais hai laila

koi aaghosh khole parda-e-mahmil se milta hai

'jalil' us ki talab se baz rahna saKHt ghaflat hai

ghanimat jaaniye us ko ki wo mushkil se milta hai

(492) Peoples Rate This

Your Thoughts and Comments

Mohabbat Rang De Jati Hai Jab Dil Dil Se Milta Hai In English By Famous Poet Jaleel Manikpuri. Mohabbat Rang De Jati Hai Jab Dil Dil Se Milta Hai is written by Jaleel Manikpuri. Read famous Poem Mohabbat Rang De Jati Hai Jab Dil Dil Se Milta Hai for youth and Student by Jaleel Manikpuri. Free Download Mohabbat Rang De Jati Hai Jab Dil Dil Se Milta Hai in PDF.