Tawajjoh Unki Kya Kam Ho Gai Hai
tawajjoh un ki kya kam ho gai hai
bala-e-jaan shab-e-gham ho gai hai
KHirad ka nur kya phaila jahan mein
dilon ki raushni kam ho gai hai
rahi hogi kabhi jannat ye duniya
magar ab to jahannam ho gai hai
atom-zadon ye mearaj-e-taraqqi
harif-e-ibn-e-adam ho gai hai
shikast-e-KHwab tanzim-e-gulistan
dalil-e-azm-e-mohkam ho gai hai
KHazaf ka mol jab se baDh gaya hai
sadaf ki aabru kam ho gai hai
kabhi waqf-e-tarab thi zindagani
magar ab sirf matam ho gai hai
Jaleel Sherkoti 
(877) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544