Zara Si Baat Pe Dil Se BigaD Aaya Hun
zara si baat pe dil se bigaD aaya hun
bana banaya hua ghar ujaD aaya hun
wo intiqam ki aatish thi mere sine mein
mila na koi to KHud ko pachhaD aaya hun
main is jahan ki qismat badalne nikla tha
aur apne hath ka likkha hi phaD aaya hun
ab apne dusre phere ke intizar mein hun
jahan jahan mere dushman hain taD aaya hun
main us gali mein gaya aur dil o nigah samet
'jamal' jeb mein jo kuchh tha jhaD aaya hun
Jamal Ehsani 
(1057) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544