KHushbu-e-pairahan Se Sulagte Rahe Dimagh
KHushbu-e-pairahan se sulagte rahe dimagh
aai shab-e-firaq to gul ho gae charagh
dil ki lagi bhaDak ke nigahon tak aa gai
palkon pe sham-e-wasl jalae hain dil ke dagh
us chashm-e-mai-farosh se hangam-e-naw-nosh
phuTa wo sail-e-nur ki lau de uThe ayagh
wo gul khilen ki jin ki mahak la-zawal ho
is ek din mein hum ne sajae hain kitne bagh
aaKHir khula ki tu hai mere ghar ki raushni
yun to tere baghair bhi jalte rahe charagh
jab chashm-o-dil bujhe to shabistan-e-shauq mein
hum ne hatheliyon pe jalae hain shab charagh
jo wadi-e-jamal mein gum ho gae 'jamil'
apni talab ke sath hi un ka bhi kuchh suragh
Jameel Malik 
(1052) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544