Har Samt Rang-o-nur Ka Dariya Dikhai De
har samt rang-o-nur ka dariya dikhai de
har mauj-e-rang mein tera chehra dikhai de
har aaine mein tera sarapa dikhai de
koi to is jahan mein apna dikhai de
tai kis tarah ho jada-e-nairang-e-arzu
har gam tera naqsh-e-kaf-e-pa dikhai de
kirnen gurez-pa hain to KHushbu bahana-ju
ai kash koi apna shanasa dikhai de
ek daman-e-nazar ki bachana muhaal hai
ek shoala-e-badan ki lapakta dikhai de
duniya-e-rang-o-nur bahut be-karan sahi
pesh-e-nazar jo tu hai to phir kya dikhai de
Jameel Yusuf 
(909) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544