Be-yaqini

yun to apne hi andar ka sach aur wo sach hai are ta-abad tujh ko kafi hai

kal ki jaanib se is be-yaqini ke sare awariz ka shafi hai

teri sad-samt aur be-gharaz chhoTi chhoTi kai KHidmaton ka ye pushtara hai

be-chaara

aur us ke sath ek dard-e-nadamat hi wajh-e-muafi hai

is tarah pesh-bini riwayat aur maslahat ke munafi hai

phir bhi

tujhe haal ka koi yak-tarfa sahib-e-maqal aaj jo bhi kahe

yaad ye bhi rahe

kitne haalon ki tariKH ne un ko kya kar diya

jis ka jitna tha haq rafta rafta ada kar diya

jab tera haal mazi banega to go agle pichhlon pe hairat karenge

teri KHud-na-tamami na wazeh hui to hikayat shikayat karenge

aur kuchh laghzishon ki nadamat karenge

magar tere sach aur tujh se bahut hi mohabbat karenge

(786) Peoples Rate This

Your Thoughts and Comments

Be-yaqini In English By Famous Poet Jameeluddin Aali. Be-yaqini is written by Jameeluddin Aali. Read famous Poem Be-yaqini for youth and Student by Jameeluddin Aali. Free Download Be-yaqini in PDF.