Dil Jo Hai Aag Laga Dun Usko

dil jo hai aag laga dun us ko

aur phir KHud hi hawa dun us ko

jo bhi hai us ko ganwa baiTha hai

main bhala kaise ganwa dun us ko

tujh guman par jo imarat ki thi

sochta hun ki main Dha dun us ko

jism mein aag laga dun us ke

aur phir KHud hi bujha dun us ko

hijr ki nazr to deni hai use

sochta hun ki bhula dun us ko

jo nahin hai mere dil ki duniya

kyun na main 'jaun' miTa dun us ko