Sham Hui Hai Yar Aae Hain Yaron Ke Hamrah Chalen

sham hui hai yar aae hain yaron ke hamrah chalen

aaj wahan qawwali hogi 'jaun' chalo dargah chalen

apni galiyan apne ramne apne jangal apni hawa

chalte chalte wajd mein aaen rahon mein be-rah chalen

jaane basti mein jangal ho ya jangal mein basti ho

hai kaisi kuchh na-agahi aao chalo nagah chalen

kuch apna us shahr taraf hai nami hum jis shahr ke hain

kapDe phaDen KHak-ba-sar hon aur ba-izz-o-jah chalen

rah mein us ki chalna hai to aish kara den qadmon ko

chalte jaen chalte jaen yani KHatir-KHwah chalen