Ajab KHwabon Se Mera Rabta Rakkha Gaya
ajab KHwabon se mera rabta rakkha gaya
mujhe soe-huon mein jagta rakkha gaya
wo koi aur ghar the jin mein tayyab rizq pahunche
hamein to bas qataron mein khaDa rakkha gaya
moattal kar diye aaza se aaza ke rawabit
yahan jismon ko aankhon se juda rakkha gaya
wo jis par sirf phulon ki duaen phuTti hain
usi miTTi mein wo dast-e-dua rakkha gaya
Javaid Anwar 
(751) Peoples Rate This