Pyas Ki Kaise Lae Tab Koi

pyas ki kaise lae tab koi

nahin dariya to ho sarab koi

zaKHm-e-dil mein jahan mahakta hai

isi kyari mein tha gulab koi

raat bajti thi dur shahnai

roya pi kar bahut sharab koi

dil ko ghere hain rozgar ke gham

raddi mein kho gai kitab koi

kaun sa zaKHm kis ne baKHsha hai

is ka rakkhe kahan hisab koi

phir main sunne laga hun is dil ki

aane wala hai phir azab koi

shab ki dahliz par shafaq hai lahu

phir hua qatl aaftab koi

(1530) Peoples Rate This

Your Thoughts and Comments

Pyas Ki Kaise Lae Tab Koi In English By Famous Poet Javed Akhtar. Pyas Ki Kaise Lae Tab Koi is written by Javed Akhtar. Read famous Poem Pyas Ki Kaise Lae Tab Koi for youth and Student by Javed Akhtar. Free Download Pyas Ki Kaise Lae Tab Koi in PDF.