Pyas Ki Kaise Lae Tab Koi
pyas ki kaise lae tab koi
nahin dariya to ho sarab koi
zaKHm-e-dil mein jahan mahakta hai
isi kyari mein tha gulab koi
raat bajti thi dur shahnai
roya pi kar bahut sharab koi
dil ko ghere hain rozgar ke gham
raddi mein kho gai kitab koi
kaun sa zaKHm kis ne baKHsha hai
is ka rakkhe kahan hisab koi
phir main sunne laga hun is dil ki
aane wala hai phir azab koi
shab ki dahliz par shafaq hai lahu
phir hua qatl aaftab koi
Javed Akhtar 
(1694) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544