Aarzuon Ko Apni Kam Na Karo
aarzuon ko apni kam na karo
jina chaho to koi gham na karo
hath aae KHushi to KHush holo
dil ho ghamgin to aankh nam na karo
jaisi mil jae jis qadar mil jae
pi bhi lo fikr-e-besh-o-kam na karo
jaisi guzre guzarte jao
saz-o-saman koi baham na karo
log kahte phiren tumhein kya kya
aap apne pe ye sitam na karo
ji mein jo aae wo likho sahab
jo zamana kahe raqam na karo
Javed Kamal Rampuri 
(719) Peoples Rate This