Karwan Aate Hain Aur Aa Ke Chale Jate Hain
karwan aate hain aur aa ke chale jate hain
ek hum hain ki usi samt take jate hain
din guzarte hain mah-o-sal guzar jate hain
waqt ke panw bhi chal chal ke thake jate hain
jaane aawaz-e-jaras hai ki sada-e-sahra
ek aawaz si sunte hain sune jate hain
gham ne karwaT kabhi badli thi magar aaj talak
dil ke aaghosh mein kanTe se chubhe jate hain
Javed Kamal Rampuri 
(647) Peoples Rate This