Thi Chaal Hashr Mein Bhi Qayamat Huzur Ki
thi chaal hashr mein bhi qayamat huzur ki
sach puchhiye to jhenp gai aankh hur ki
sach hai ki raaz-e-wasl chhupana nahin hai sahl
main kya kahun jo kahti hai chitwan huzur ki
jaane se dil ke kyun na ho viran bazm-e-aish
shab bhar isi se rahti thi baaten huzur ki
ghash aaj aa gaya hai KHuda jaane kal ho kya
musa ab aur sair karo koh-e-tur ki
jannat mein puchhte hue 'jawed' hum chale
dukan kis taraf hai sharab-e-tahur ki
Javed Lakhnvi 
(774) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544