Koi Inam-e-wafa Hai Ki Sila Hai Kya Hai

koi inam-e-wafa hai ki sila hai kya hai

us ne ye dard-e-mohabbat jo diya hai kya hai

bhulne ko tujhe dil kyun nahin raazi hota

teri yaadon mein kasak hai ki maza hai kya hai

kis ne darwaze pe ye raat gae dastak di

yaad us ki hai ki wo KHud ki hawa hai kya hai

tu jo mil jata hai har bar bichhaD kar mujh ko

ye muqaddar hai karam hai ki dua hai kya hai

aaj kya phir kisi arman ne dam toD diya

shor kyun dil se ye 'jawed' uTha hai kya hai

(566) Peoples Rate This

Your Thoughts and Comments

Koi Inam-e-wafa Hai Ki Sila Hai Kya Hai In English By Famous Poet Javed Naseemi. Koi Inam-e-wafa Hai Ki Sila Hai Kya Hai is written by Javed Naseemi. Read famous Poem Koi Inam-e-wafa Hai Ki Sila Hai Kya Hai for youth and Student by Javed Naseemi. Free Download Koi Inam-e-wafa Hai Ki Sila Hai Kya Hai in PDF.