Tujhko Pane Ki Ye Hasrat Mujhe Le Dubegi
tujh ko pane ki ye hasrat mujhe le Dubegi
lag raha hai ki mohabbat mujhe le Dubegi
haalat-e-ishq mein hun aur ye haalat hai ki ab
ek lamhe ki bhi fursat mujhe le Dubegi
ab main samjha hun ki ye dard-e-mohabbat kya hai
ye tere pyar ki shiddat mujhe le Dubegi
meri betabi-e-dil chain na lene degi
teri KHamosh tabiat mujhe le Dubegi
teri aankhon ke samundar mein KHayalon ki tarah
Dub jaane ki ye aadat mujhe le Dubegi
Dubti nabz kahin ka nahin chhoDegi mujhe
dard le Dubega wahshat mujhe le Dubegi
teri aankhon ka ye jadu kahin le jaega
ye teri sada si surat mujhe le Dubegi
tere ashkon se kaleja mera kaT jaega
meri hassas tabiat mujhe le Dubegi
har qadam par main tera bojh uThaun kaise
zindagi teri zarurat mujhe le Dubegi
Javed Saba 
(999) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544