Nekiyon Se Khaali Shahr

agar sardiyon ki kisi raat ko

koi bhuka gadagar

mere ghar pe aawaz de

us ko roTi ka TukDa na dunga

jhulasti hui saKHt dopahar mein

koi be-kas musafir

kahin pyas se gir paDe

us ko pani ka qatra na dunga

mera koi ham-saya mulk-e-adam ko sidhaare

to us ke janaze ko kandha na dunga

kisi ne meri be-hisi ka sabab mujh se pucha

to us se kahunga

mere shahr mein jis qadar nekiyan thin

wo ek shaKHs ki bewafai pe ro kar

kahin aasmanon mein gum ho gai hain

(803) Peoples Rate This

Your Thoughts and Comments

Nekiyon Se Khaali Shahr In English By Famous Poet Javed Shaheen. Nekiyon Se Khaali Shahr is written by Javed Shaheen. Read famous Poem Nekiyon Se Khaali Shahr for youth and Student by Javed Shaheen. Free Download Nekiyon Se Khaali Shahr in PDF.