Dard Ho Dukh Ho To Dawa Kije
dard ho dukh ho to dawa kije
phaT paDe aasman to kya kije
ek sitam ho to jaan de dijiye
ho sitam par sitam to kya kije
haal sun kar mera wo yun bole
aur dil dijiye wafa kije
ishq ko dijiye junun mein farogh
dard se dard ki dawa kije
ras aae na gar kashakash-e-zist
dil-e-mahzun ko mubtala kije
ishq mein qadr-e-KHastagi ki ummid
ai 'jigar' hosh ki dawa kije
Jigar Barelvi 
(1560) Peoples Rate This