Barabar Se Bach Kar Guzar Jaane Wale
barabar se bach kar guzar jaane wale
ye nale nahin be-asar jaane wale
nahin jaante kuchh ki jaana kahan hai
chale ja rahe hain magar jaane wale
mere dil ki betabiyan bhi liye ja
dabe panw munh pher kar jaane wale
tere ek ishaare pe sakit khaDe hain
nahin kah ke sab se guzar jaane wale
mohabbat mein hum to jiye hain jiyenge
wo honge koi aur mar jaane wale
Jigar Moradabadi 
(819) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544